Hreyfing er lífsnauðsynleg

Líkaminn er skapaður fyrir hreyfingu ef við notum hann ekki hrörnar hann og gefur sig.  Glöggt dæmi um þetta er að ef útlimur er settur í gips rýrna vöðvarnir sem undir eru og missa styrk sinn.  Sama gildir um annað í líkamanum svo sem hjarta og bein.  Þannig að ef ekki er reynt á hjarta, vöðva og bein með hreyfingu getur þaðvaldið sjúkdómum seinna á lífsleiðinni svo sem hjarta- og æðasjúkdómum,beinþynningu, vöðvabólgum og bakverkjum.  Hreyfing hefur einnig áhrif á fleiri þætti.  Þannig hefur verið sýnt fram á  með rannsóknum að hreyfing á yngri árum hefur áhrif á lífsstíll seinna meir.   Unglingar sem þjálfa reglubundið reykja síður, eru að meðaltali léttari,  ná betri námsárangri  og líður betur.